ايام الحزن العادى ..

العمر ماشى و بيعدى

والايام قطر و الناس قضبان

والبلد جريحه حرب

متزينه بالسواد والكحل

والحلم مكبوت ..

والامل مش قادر يفوت

والادين مغسوله بالدم

و ام الشهيد بتنده بصوت منبوح

من كتر البكى والهم

تصرخ بعزمها تنادى

تقول يا احمد يا حبيبى

عـ فين رايح !!

تصرخ بصوت مخنوق

تصرخ بعزمها تقول

محلتيش ضنا غيرك

هتسبنى لمين غيرك

تصرخ والكل مطاطى

وادمع من صوتها الحزين

والمح الدمع فـ العين

يا بلدى معتش اعرفك

انا صحيح بحبك ومشتاق

وعندى ايمان فيكى

فامانه متخزلنيش انا المتعشم فيكى !!