سى السيد

كان سى السيد  شاطر

عامل عزوة وقادر

كان في الدنيا ذى رسول

عايش فيها عرض وطول

صاين عهد ويا اصول

مالى الدنيا خير وأمان

كان بالجبة والقفطان

الله الله على حب زمان

ادفع عمرى ويرجع تانى

لحظة اعيشها معاه بأمان

كان بيعدى علينا ويدى

يملى كفوفنا حب مندى

ولا بيكشر ولا بيخبى

واللى بيعمل خير يلقاه

قالوا عنه كتير وقليل

شوه صورته وسط الخلق

بس ياخلق

روحوا زوروا باب الخلق

راح تعرفوا ايه هو الفرق

كان سى السيد شاطر

عامل عزوة وقادر

الشاعرة / عفاف الصاوى