همسة حنين

همسة خنين مش عايزة تسيبنى فى حالى … كل يوم و التانى فى احلامى جيالى

ايوا عندى حنين … لايام من عمرى راحت وعدت

و حبيبتى اجيلها منين … و كل الطرق ادامى اتسدت

طريق الحب و الافراح … خلاص مبقاش مسموح

طريق النار و الجراح … هو ده اللى مفتوح

الحياة ادامى عاتمة … و النفس عمال بيعافر

الموت املى فى الرحمة … و روحى وياه بتكابر

طب اعيش و ارضى بالامر الواقع

ولا انهى حياتى و اموت كافر

فكرت كتير ورتبت حسباتى … ملقتش غير حل واحد ادامى

افضل نايم طول حياتى … عشان افضل شايفها فى احلامى  🙁